ابليــــس يصـــف الوضـــع والحالـــة في البلاد العربية

كان إبليس في غرفته
يلملم ملابسه في حقيبة إلى جانب باقي متعلّقاته
على المنضدة القريبة كانت استقالته موقّعة ومختومة حسب الأصول
وبجوارها تقبع

( one-way ticket )

إلى جزر القمر !!!!!!!!!!!!!!!!؟
كانت ملامح وجهه في تلك اللحظات تنطق بالحزن
الكآبه
الإحباط
اليأس
وقلّة الحيلة
مع دهشة مزمنة ارتسمت عليه منذ فترة ليست بالقريبة
واعترافٍ بالعجز والفشل إبليس راحلٌ عن بلادنا إلى غير رجعة!!؟
فليفرح المؤمنون ..........!!!!!؟
>>> وين يامسهّل؟ ليش عم بتضبّ غراضك !!!!!؟؟؟؟؟
يا زلمه ما ضلّلي قعده عندكون
إلي سنين عاطل عن العمل وقرّبت موت مالجوع
ما بلائي معك سيجارة يا أخي ؟
ما رح أترك فيكون لا وسواس ولا خنّاس !!؟
كنت زمان بوسوس للوحدة تترك ابنا يبكي وهيي عم تحكي مع جارتها
هلأ صاروا لحالهم يرموا اولادون في الحاويه أوّل ماييجوا!!؟
كنت وسوس للواحد ينسى يسمّي بالله أبل ما ياكول
هلأ بطّل حدا يلاقي شي ياكلوو ! ؟
يا زلمة إزا أنا إبليس تسمّمت بالشاورما...........!!!!!!!!!!!!؟
كنت كمان بوسوس للشب يرميلو كلمة عالبنت وهيي ماشيه بالشارع
صاروا البنات يرمو عالشباب كلام أنا نفسي بستحي أحكيه !؟
واحد بيسرق 6 مليون عيني عينك بيحبسوه 3 سنين في فيلاّ عالشط
وتنين بينبشوا في مكبّ الزبالة بتضرب الشرطة النار عليهم , إنتو بدّكون إبليس إ! نتوا !!! ؟
صار عندكم فائض في الفساد بكفّي 30 سنة لقدّام
صرت خاف عـ حالي منكون
يازلمة مرّات بضطرّ وسوس بالمألوب وقول للمسؤول إرحم !!؟
وللحرامي بيكفّي خلّي شويّ للحراميّة اللي رح ييجوا بعدك!؟
يعني إذا إنتو لحالكون ماشالله بتعملوا كل هالبلاوي
أنا إبليــــــــــــــــــــــــــــــــس شو أعمل؟؟!!!؟
أشتغل شوفير تكسي يعني ولاّ أفتح صالون حلاقه !!!!؟
ماضلّ غير قدّم للأوقاف يعيّنونيواعظ أو إمام جامع !!!؟

منور